२०८१ असार २, शनिबार
Health Aawaj logo
गृहपृष्ठसमाचारपत्थरीको शल्यक्रियापछि डा. भगवान कोइरालाले भने, ‘जीवन अनिश्चित छ, सही काम गरौं’

पत्थरीको शल्यक्रियापछि डा. भगवान कोइरालाले भने, ‘जीवन अनिश्चित छ, सही काम गरौं’


काठमाडौं—किड्नीमा रहेको पत्थरीको शल्यक्रियापछि स्वास्थ्य लाभ गराइरहेका वरिष्ठ मुटरोग विशेषज्ञ प्रा.डा. भगवान कोइरालाले जीवन अनिश्चित भएकाले सही कामहरु गर्नुपर्ने धारणा व्यक्त गरेका छन् । शल्यक्रियापछि पहिलो पटक आइतबार सामाजिक सन्जाल फेसबुकमा लामो पोष्ट गर्दै उनले कठिन समयमा साथीहरुको माया र साथ निकै काम लाग्ने पनि उल्लेख गरेका छन् ।

ह्याम्स अस्पतालमा उपचार गराइरहेका डा. कोइरालाले पहिलो पटक स्वास्थ्यमा समस्या आएपछि आफूले सिकेका पाठहरु भन्दैं तीन वटा बुँदा पोष्ट गरेका छन् । जसमध्ये पहिलोमा उनले जीवन अनिश्चित छ र सही काम गर्नुपर्छ भनेर लेखेका छन् । यस्तै, दोस्रोमा यो समयमा साथीहरुको माया र साथ निकै काम लाग्ने र तेस्रोमा काम गर्ने सबै र आफूलाई हेरचाह गर्ने शानदार मेडिकल टिमप्रति आभार व्यक्त गरेका छन् ।

मेडिकल काउन्सिलका अध्यक्ष समेत रहेका डा. कोइरालाको किड्नीमा पत्थरीको समस्या देखिएपछि शुक्रबार ह्याम्स अस्पतालमा शल्यक्रिया गरिएको थियो । ‘यो मेरो जीवनमा पहिलो पटक थियो। मैले २४ घण्टासम्म फोन उठाइन, र वास्तवमा उठाउन पनि सकिन्,’ उनले लेखेका छन्, ‘र त्यसपछि म यसलाई बन्द गरे । पछिल्लो तीन रात र दिनहरूमा म मेरो मूत्रवाहिनी र मिर्गौलामा दुई साना ४ मिमी पत्थरको असह्य पीडासँग संघर्ष गर्दै थिए। मलाई थाहा थिएन कि तिनीहरु मसँगै छन् ।’

उनलाई बुधवार बिहान २ बजेबाट असह्य पीडा सुरु भएको थियो । ‘सबैभन्दा खराब यो हो कि पत्थरीले पूरै पिसाब बन्द गरिदिएको थियो र पूरै संक्रमण भएको थियो। मेरो मिर्गौला बन्द हुन थाल्यो,’ उनले उल्लेख गरेका छन्, ‘साथी सर्जन काममा छिटो थिए । पत्थरीलाई लेजर गरे। एक ट्युबलाई तैनाथ गरे र पिसाब खोल्ने मार्ग सुनिश्चित गरे। तर पनि विषाक्त पदार्थको प्रभाव पूरा शरीरमा थियो। म बेलुनजस्तै फूलेको थिए। मलाई ठिक हुन् डेढ दिन लाग्यो। डाउनहिल कोर्सजस्तै छिटो।’

This was the first time in my professional life I did not pick up my phone for 24 hours, and in fact could not. And then…

Posted by Bhagawan Koirala on Saturday, January 23, 2021


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ