५ वर्षदेखि बिना सूचना गायब भएकी नर्सिङ निरिक्षकसँग स्वास्थ्य मन्त्रालयद्वारा सात दिने स्पष्टीकरण माग

काठमाडौं–स्वास्थ्य तथा जनसंख्या मन्त्रालयले झण्डै ५ वर्षदेखि बिना सूचना गायब भएकी नर्सिङ निरिक्षक दिव्य तिमिल्सिनासँग ७ दिने स्पष्टीकरण माग गरेको छ । मन्त्रालयले स्पष्टीकरण पेश गर्ने सूचना जारी गर्दै उनलाई ७ दिनभित्र स्पष्टीकरण दिन भनिएको छ ।

पोखरा स्वास्थ्य विज्ञान प्रतिष्ठानको पश्चिमाञ्चल क्षेत्रीय अस्पताल पोखरामा कार्यरत अधिकृत छैटौ तहकी हुन् । उनी बिना सूचना २९ भदौं २०७३ देखि बिदा स्वीकृत नगराएर कार्यलयमा अनुपस्थित रहँदैं आएकी छन् ।

उनलाई नेपाल स्वास्थ्य सेवा ऐन, २०७३ को दफा ७४ (१) (ज) को कसुरमा सोही ऐनको दफा ७२ (ख) (१) बमोजिम भविष्यमा स्वास्थ्य सेवाको निमित्त अयोग्य नठहरिने गरी सेवाबाट हटाउनेतर्फ सजाय गर्नुपर्ने देखिएकोले तपाईलाई नेपाल स्वास्थ्य सेवा ऐन, २०५३ को दफा ७४ (१) (ज)को कसुरमा किन विभागीय कारवाही नगर्ने ? भन्दैं मन्त्रालयले ७ दिनभित्र स्पष्टीकरण पेश गर्न भनेको छ ।