विपी प्रतिष्ठानको विवाद चाँडो मिलाउ : पहिलो ब्याचका विद्यार्थी

काठमाडौं- धरानस्थित बिपी कोइराला स्वास्थ्य विज्ञान प्रतिष्ठानमा भैरहेको विवाद चाडो मिलाउन विपीका पहिलो ब्याचका विद्यार्थीहरुले आग्रह गरेका छन्। पहिलो ब्याचका विद्यार्थीहरुले विज्ञप्ति जारी गरी आन्दोलनरत पक्षको समर्थन जनाउँदै विवाद चाडो मिलाउन सरकारसँग आग्रह गरेका हुन्।

राजनैतिक आस्था र गतिविधिको आधारमा छानिएको पदाधिकारीहरुले प्रतिष्ठान जस्तो संस्थाको भिजन, लक्ष्यलाई पूरा गर्न नसक्ने बताउँदै उनीहरुले राजनीतिक फोहोर खेललाई टाढा राखि यसको निकासका लागि छिटो भन्दा छिटो पहल गर्नुपर्ने जोडदार माग राखेका छन्।

असार १ गते देखि प्रतिष्ठान धरान शुद्धिकरण अभियान, अनियमितता र राजनीतिकरणको विरोधमा विभिन्न माग राख्दै चिकित्सक, स्वास्थ्यकर्मी, कर्मचारी र विद्यार्थीहरु आन्दोलन गरिरहेका छन्।