नेपालमा पहिलो डोज खोप लगाउने १५ प्रतिशत, दुवै डोज लगाउने ९.५१ प्रतिशत

काठमाडौं—नेपालमा अहिलेसम्म कुल जनसंख्याको ९.५१ प्रतिशत जनसंख्याले कोभिड—१९ विरुछद्धको खोपको दुवै डोज लगाएको छ । बिहीबार संसदमा बोल्दै स्वास्थ्य तथा जनसंख्या राज्यमन्त्री उमेश श्रेष्ठले नेपालमा २८ लाख ८८ हजार ३ सय ६० जनाले दुवै डोज खोप लगाएको बताए ।

जुन नेपालको कुल जनसंख्याको ९.५१ प्रतिशत हो ।

मन्त्री श्रेष्ठकाअनुसार खोपको पहिलो मात्रा ४५ लाख ७० हजार ५ सय ५३ जनाले लगाएका छन् । जुन कुल जनसंख्या १५.५ प्रतिशत हो ।

राज्यमन्त्री श्रेष्ठले स्वास्थ्यमा न्यून दरबन्दी रहेका कारण स्थानीय तह, प्रदेशदेखि केन्द्रसम्म दरबन्दी विस्तार गर्नुपर्ने बताएका छन् ।