चिकित्सा शिक्षा: छात्रवृत्तिमा म्याचिङ हुने उम्मेदवारको पहिलो भर्ना सूची प्रकाशित

काठमाडौँ – चिकित्सा शिक्षा आयोगले स्नातक तहको छात्रवृत्तितर्फ म्याचिङ हुने उमेदवारको पहिलो भर्ना सूची प्रकाशन गरेको छ। बुधबार आयोगले एकीकृत प्रवेश परीक्षाको योग्यता क्रम र परीक्षार्थीले निर्धारण गरेको प्राथमिकताका आधारमा छात्रवृत्तितर्फको पहिलो भर्ना सूची प्रकाशन गरेको हो ।

सूचीमा परेका विद्यार्थीलाई सम्बन्धित विश्वविद्यालय तथा प्रतिष्ठानमा असार २२ गतेभित्र भर्ना भइसक्न आयोगले अनुरोध गरेको छ। भर्ना प्रक्रियाबारे बुझ्न सम्बन्धित विश्वविद्यालय सम्पर्क गर्न आयोगले भनेको छ।