नेपालगन्ज मेडिकल कलेजमा एमबीबीएस अध्ययनरत विद्यार्थी पंखामा झुन्डिएको अवस्थामा भेटिए

नेपालगन्ज— नेपालगन्ज मेडिकल कलेज कोहलपुरमा एमबीबीएस दोस्रो वर्षमा अध्ययनरत एक जना विद्यार्थी पंखामा झुन्डिएको अवस्थामा फेला परेका छन् ।

नेपालगन्ज उपमहानगरपालिका–८ रानीतलाउ निवासी २५ वर्षीय सिद्धार्थ बैश्य मेडिकल कलेजको चिसापानीस्थित छात्रावासमा पंखामा झुन्डिएको अवस्थामा फेला परेको कोहलपुरका प्रहरी प्रमुख डिएसपी ऐनबहादुर मल्लले जानकारी दिए।

बैश्यको सुसाइट नोट भेटिएकाले आत्महत्या गरेको प्रहरीले प्रारम्भिक निष्कर्ष निकालेको छ । बैश्य मानसिक रुपमा समस्याग्रस्त देखिए पनि घटनाबारे अनुसन्धान भइरहेको प्रहरीले जनाएको छ । बैश्यको शव पोष्टमार्टमका लागि भेरी अस्पतालमा ल्याइएको छ ।