लगातार छैटौं दिन भारतमा ५० हजार बढी कोरोना संक्रमित थपिए

नयाँदिल्ली—भारतमा लगातार छैटौं दिन ५० हजार बढी कोरोना संक्रमित थपिएका छन् । भारतीय सञ्चार माध्यमकाअनुसार पछिल्लो २४ घण्टामा ५६ हजार १ सय १९ जनामा कोरोना पुष्टि भएको छ ।

यस्तै, पछिल्लो २४ घण्टामा ३६ हजार ९ सय ८३ जना कोरोना संक्रमणमुक्त भएका छन् भने २६६ जनाको मृत्यु भएको छ ।

भारतमा लगातार छैटौं दिन ५० हजार बढी नागरिक एकैदिन कोरोना संक्रमित भएका हुन् । शुक्रबार, शनिबार र आइतबार कोरोना संक्रमित हुनेहरुको आँकडा ६० हजारभन्दा बढी रहेको थियो ।

कोरोना संक्रमित हुनेहरुको संख्या बढेसँगै मुम्बईका निजी अस्पतालका ८० प्रतिशत कोभिड बेड भरिएका छन् ।