भियतनाममा भेटियो कोभिड-१९को अर्को नयाँ भेरियन्ट

ब्रिटेन, दक्षिण अफ्रिका, ब्राजिल र भारतपछि भियतनाममा कोभिड-१९को अर्को नयाँ भेरियन्ट पत्ता लागेको छ । भियतनामका स्वास्थ्यमन्त्रीले उक्त नयाँ भेरियन्ट भारत र ब्रिटेनमा पाइएको भेरियन्ट जस्तै मिल्दोजुल्दो रहेको जानकारी दिएका छन् ।

वैज्ञानिकहरुले हालै संक्रमित भएका केही बिरामीलाई संक्रमण गर्ने भाइरसको जेनेटिक स्टडी र यसमा नयाँ भेरियन्ट पाइएको उल्लेख गरेका छन्। उक्त भाइरस पूरानो भाइरसभन्दा बढी सजिलै फैलिने बताइएको छ।

त्यहाँका स्वास्थ्यमन्त्रीका अनुसार देशमा बढ्दो संक्रमणको पछाडी नयाँ भाइरस जिम्मेबार छ। उक्त देशमा ३० स्थानमा संक्रमण पुष्टि भैसकेको छ।

उक्त देशका धेरै शहरमा भिड गर्न प्रतिवन्ध लगाइएको छ। भियतनाममा हालसम्म १० लाख नागरिकले एस्ट्रेजेनेकाको खोप प्राप्त गरेका छन्। गत साता मात्रै फाइजर कम्पनीसँग ३ करोड डोजको सम्झौता समेत भेतनामले गरेको छ।

– एजेन्सी