लहानकी समाजसेवी कर्माचार्यको कोभिड–१९ संक्रमणबाट निधन

धनुषा–सिरहाको लहान नगरपालिका–७ का समाजसेवी संगीता कर्माचार्यको कोभिड–१९ संक्रमणबाट निधन भएको छ । कोभिड–१९ संक्रमित उनको शनिबार झापाको विर्तामोडस्थित बीण्डसी हस्पिटलमा निधन भएको हो ।

उनको निधनले सिरहावासी दुःखी बनेका छन् । संगीताले श्रीमान् महेश चौधरीसँग मिलेर कोभिड–१९ को पहिलो लहरमा गरिएको लकडाउनका हजारौं प्रभावितलाई राहत बाँडेकी थिइन् । कैयौं गरिब दुःखीको चुल्हो बालेका उनको निधनले लहानलाई ठूलो क्षति पुगेको छ ।

उनको निधनले लहान नगरपालिका–७ लाई अपुरणीय क्षति पुगेको वडाध्यक्ष राकेश गुप्ताले बताए । उनी नेपाल महिला संघका केन्द्रीय सदस्य पनि थिइन् ।