धनुषामा निषेधाज्ञा ७ दिन थप

धनुषा – धनुषामा थप ७ दिन  निषेधाज्ञा लम्बिने भएको छ । जिल्ला कोभिड नियन्त्रण तथा सुरक्षा समितिको सोमबार बसेको बैठकले जिल्लामा कोभिड-१९ संक्रमणको दर घट्दै गएतापनि हाल संक्रमणको चुनौति कायमै रहेकाले निषेधाज्ञा थप ७ दिन लम्बाउने निर्णय गरिएको छ ।

उक्त निषेधाज्ञा ३१ जेठ राति १२ बजेसम्म कायम रहनेछ । साथै, बैठकले नेपाल रेडक्रस सोसाईटी, प्रदेश नं. २ बिरगंजबाट जिल्ला कोभिड नियन्त्रण समितिलाई २० हजार थान मास्क, ५० थान पिपिई, ३ थान अक्सिजन कन्सनट्र्टर प्रदान गरेकोमा ,उक्त सामग्रीहरु गरिब तथा विपन्न समुदायलाई केन्द्रित गरी स्थानीय तहहरुमा आवश्यकताको आधारमा पठाइने निर्णय गरिएको छ ।