२०७८ असार १०, बिहीबार
Health Aawaj logo
गृहपृष्ठप्रदेश २अन्तर्राष्ट्रिय गैरसरकारी संस्थाद्वारा स्वास्थ्य कार्यालय धनुषालाई स्वास्थ्य सामग्री सहयोग

अन्तर्राष्ट्रिय गैरसरकारी संस्थाद्वारा स्वास्थ्य कार्यालय धनुषालाई स्वास्थ्य सामग्री सहयोग


धनुषा–अन्तर्राष्ट्रिय गैरसरकारी संस्थाले स्वास्थ्य कार्यालय धनुषालाई स्वास्थ्य सामग्री सहयोग गरेको छ । कोभिड–१९ विरुद्ध लड्न प्लान इन्टरनेशनल नेपालले स्वास्थ्य कार्यालय धनुषालाई ३ लाख ७१ हजार मूल्य बराबरको स्वास्थ्य सामग्री सहयोग गरेको हो ।

प्लान इन्टरनेशनल नेपाल पूर्व क्षेत्रीय कार्यालय जनकपुरका क्षेत्रीय प्रबन्धक रविशंकर पण्डितले स्वास्थ्य कार्यालय धनुषाका निमित्त कार्यालय प्रमुख युगल किशोर यादवलाई ती स्वास्थ्य समाग्री हस्तान्तरण गरेका हुन् ।

प्लान इन्टरनेशनल नेपालले धनुषा जिल्लामा कोभिड–१९ को संक्रमण बढ्दै गएकाले स्वास्थ्य सामग्रीको अभाव हुन नदिन स्वास्थ्य कार्यालय धनुषामार्फत वितरण हुनेगरी ७० थान पीपीई सेट, १ सय थान ५ सय एमएलको ह्याण्ड स्यानिटाइजर, ५ हजार थान सर्जिकल माक्स, ५ हजार थान सर्जिकल ग्लोब्स, ६ सय ५० थान केएन ९५ मास्क, ६० थान पल्स अक्सिमिटरलगायतको स्वास्थ्य सामग्रीहरु सहयोग गरेको हो ।

सामाग्रीहरु धनुषाको विकट पालिकाहरु कमला नगरपालिका, शहीदनगर नगरपालिका, जनकनन्दनी गाउँपालिका, विदेह नगरपालिका र सबैला नगरपालिकाको स्वास्थ्य संस्थाहरुलाई कोभिड–१९ प्रतिकार्यको लागि उपलब्ध गराईने जनाएको छ ।


क्याटेगोरी : प्रदेश २



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)