‘पुल दरबन्दी’का कर्मचारीलाई आफू खुसी काजमा खटाएकोमा सर्वोच्चद्वारा कारण देखाउ आदेश

धनगढी—सुदूरपश्चिम प्रदेशको सामाजिक विकास मन्त्रालयले नर्सिङ अधिकृत पुष्पा जोशीलाई काजमा खटाएको विषयमा सर्वोच्च अदालतले कारण देखाउ आदेश जारी गरेको छ ।

न्यायाधीस प्रकाशकुमार ढुंगानाको एकल इजलासले सामाजिक विकास मन्त्रालयको नाममा सो आदेश दिएको हो ।

सामाजिक विकास मन्त्रालयले कर्मचारीले बिरामी भएको मेडिकल रिपोर्ट पेश गर्दा समेत जबरजस्ती स्वास्थ्य कार्यालय दार्चुला सरुवा गरेको थियो ।

आफूलाई समायोजन ऐन विपरीत सरुवा गरेको भन्दै उनी सर्वोच्च पुगेकी थिइन् । सर्वोच्च सरुवा आदेश कार्यन्वयन नगर्न समेत भनेको छ ।