काठमाडौं—संसदीय समितिको टोलीले कैलालीस्थित प्रस्तावित गेटा मेडिकल कलेजको अनुगमन गरेको छ । आइतबार प्रतिनिधीसभाको शिक्षा तथा स्वास्थ्य समितिको टोलीले गेटा मेडिकल कलेजको अनुगमन गरेको हो ।
जसमा समितिका ७ जना सदस्य, समितिको सचिवालयका २ जना कर्मचारी र आमन्त्रित एक जना सांसद रहेका छन् । अनुगमन टोलीमा योगेशकुमार भट्टराई, अन्जना विशंखे, चित्रलेखा यादव, नवीना लामा, भैरवबहादुर सिंह, मानबहादुर विश्वकर्मा र डा. दीपक भट्ट छन् ।
यस्तै, कैलालीकै सांसद नारदमुनि राना आमन्त्रित सदस्यका रुपमा अनुगमनमा छन् । समिति सचिवालयका विष्णु चौधरी र नारायण बस्नेत पनि अनुगमनमा छन् ।
भौतिक संरचना निर्माण सकिएर पनि कानुन अभावमा सञ्चालनमा आउन नसकेको गेटा मेडिकल कलेज सञ्चालनको बहस पछिल्लो समय तीब्र बनेको छ । यही बीच संसदीय टोली कलेजको अनुगमनमा पुगेको छ ।
टोलीले अनुगमनका साथै कैलालीमा अन्तक्रिया कार्यक्रम समेत गर्नेछ ।
