महोत्तरीको भंगहामा आरोग्यता केन्द्र संचालनमा, नागरिकले निःशुल्क आयुर्वेद उपचार सेवा पाउने

धनुषा–महोत्तरीको भंगहा नगरपालिकामा नागरिक आरोग्यता केन्द्र सञ्चालनमा आएको छ । भंगहा नगरपालिका–५ सीतापुरमा स्थापना गरिएको आरोग्यता केन्द्रको सोमबार भंगहा नगरप्रमुख संजीव साहले उदघाटन गरेका हुन् ।

प्रदेश २ सरकारको समाजिक विकास मन्त्रालयअन्तर्गत जिल्ला आयुर्वेद स्वास्थ्य केन्द्रको शाखा कार्यालयको रुपमा आरोग्यता केन्द्र स्थापना गरिएको हो ।

आरोग्यता केन्द्रमा यस क्षेत्रका नागरिकले आयुर्वेद उपचार निःशुल्क पाउनेछन् ।