कर्णाली स्वास्थ्य विज्ञान प्रतिष्ठानले माग्यो २० स्टाफ नर्ससहितका कर्मचारी

जुम्ला—जुम्लास्थित कर्णाली स्वास्थ्य विज्ञान प्रतिष्ठानले २० जना स्टाफ नर्ससहितका कर्मचारी माग गरेको छ । बिहीबार एक सूचना प्रकाशित गर्दै प्रतिष्ठानले २० जना स्टाफ नर्स र २ जना रेडियोग्राफर माग गरेको हो ।

जुम्लास्थित उक्त प्रतिष्ठानले २३ मंसिरसम्म उक्त पदहरुमा आवेदन दिन सक्ने जनाएको छ । प्रतिष्ठानमा अहिले एमडी÷एमएस र एमबीबीएससहित नर्सिङलगायतका चिकित्सा शिक्षा कार्यक्रम सञ्चालनमा छन् ।

कर्णालीको ड्रिम प्रोजेक्ट मानिएको प्रतिष्ठानमा स्वास्थ्य सेवाका दृष्टिकोणले पनि कर्णालीको मानक मानिदैं आएको छ ।