भोटेकोशी बाढीबाट घाइतेलाई साहारा फिजियोथेरापी हस्पिटलले १५ दिन निःशुल्क सेवा प्रदान गर्ने

काठमाडौं—महाराजगन्जस्थित साहारा फिजियोथेरापी हस्पिटलले भोटेकोशी बाढीका घाइतेलाई १५ दिन निःशुल्क सेवा प्रदान गर्ने भएको छ ।

आइतबार हस्पिटलका कार्यकारी निर्देशक हरिकुमार लम्सालले बाढीबाट घाइतेलाई आवश्यक पर्ने फिजियोथेरापी सेवा १५ दिनसम्म निःशुल्क उपलब्ध गराउने जानकारी दिए ।

‘बाढीबाट घाइते हुनुभएको दाजुभाइ दिदीबहिनीहरुका लागि फिजियोथेरापी तथा दीर्घकालीन पुनस्थापनाको आवश्यकता पर्न सक्ने अवस्थालाई ध्यान राख्दैं यस साहारा फिजियोथेरापी हस्पिटलले १५ दिनसम्म निःशुल्क उपचार सेवा प्रदान गर्ने निर्णय गरेको छ,’ लम्सालले भने ।

१० भदौंमा भोटेकोशीमा नदीमा आएको भिषण बाढीका कारण हजारौं मानिसहरु प्रभावित भएका छन् ।