गण्डकी प्रदेशमा १३ नयाँ संक्रमित थपिए

पोखरा—गण्डकी प्रदेशमा १३ जनामा नयाँ कोरोना संक्रमित थपिएका छन् । गण्डकी प्रदेश निर्देशनालयकाअनुसार शुक्रबार विहान थप १३ जनामा कोरोना संक्रमण पुष्टि भएको हो ।

यससँगै गण्डकी प्रदेशमा कोरोना संक्रमितको संख्या १ हजार १ सय ६२ पुगेको छ ।

क्षयरोग उपचार केन्द्र पोखरा र पोखरा स्वास्थ्य विज्ञान प्रतिष्ठानमा गरिएको परीक्षणमा संक्रमण पुष्टि भएको हो । संक्रमितहरुलाई सम्बन्धित जिल्लामा रहेका आइसोलेसन कक्षमा लैजाने तयारी भएको प्रदेश स्वास्थ्य निर्देशक डा विनोदविन्दु शर्माले बताए ।

गण्डकी प्रदेशमा कोरोना जितेर डिस्चार्ज हुनेको संख्या ६ सय ३३ रहेको छ ।