२०८१ साउन ३, बिहीबार
Health Aawaj logo
गृहपृष्ठगण्डकी प्रदेशभानुमा १५ शैय्याको नगर अस्पताल शिलान्यास

भानुमा १५ शैय्याको नगर अस्पताल शिलान्यास


पोखरा –  तनहुँ जिल्लाको भानु नगरपालिकामा १५ शैय्याको अस्पताल बन्ने भएको छ । एक स्थानीय तहमा एक अस्पताल बनाउने संघीय सरकारको योजना अनुसार भानु ५ पुरानडिहीमा नगर अस्पताल भवन निर्माण गर्न लागिएको हो ।

अस्पताल भवन निर्माणका लागि संघीय सरकारबाट १८ करोड ६ लाख रुपैयाँ विनियोजन भएको भानु नगरपालिकाका प्रशासकीय अधिकृत राजेन्द्रदेव पाण्डेले जानकारी दिए । उनले भने, ‘अस्पताल २ वर्ष अवधिमा निर्माण हुनुपर्छ, यसका लागि टेन्डर प्रक्रियामा नगरपालिका लागेको छ ।’

भानु नगरपालिकाको वडा नम्बर ५ पुरानडिहीको स्वास्थ्यचौकीलाई स्तरोन्नति गरी अस्पताल बनाइएको अधिकृत पाण्डेले बताए । अहिले भौतिक संरचना निर्माणको काम अघि बढाउन लागिएको उनले स्पष्ट पारे ।

अस्पतालबाट नगरपालिकाका करिब २५ हजार जनताले आधारभूत स्वास्थ्य सेवा लिन पाउने अधिकृत पाण्डेले बताए । पुरानडिही नगर अस्पतालको गण्डकी प्रदेशका मुख्यमन्त्री पृथ्वीसुब्बा गुरुङले अस्पताल शिलान्यास गरेका हुन् ।


क्याटेगोरी : गण्डकी प्रदेश



तपाईको प्रतिक्रिया दिनुहोस


ट्रेण्डिङ