गण्डकीमा पाँच जनामा भेटियो कोभिड–१९ को नयाँ भेरियन्ट

पोखरा—गण्डकी प्रदेशको स्याङ्जा र गोरखा जिल्लामा कोरोनाको नयाँ भेरियन्ट भेटिएको छ । गण्डकी प्रदेश स्वास्थ्य निर्देशनालय प्रदेश स्वास्थ्य आपतकालीन कार्य सञ्चालन केन्द्रका संयोजक नवराज शर्माका अनुसार स्याङ्जाका २ पुरुष तथा गोरखाका ३ महिलामा नयाँ भेरियन्ट डेल्टा (B.1.617.2) भेटिएको छ ।

शर्माकाअनुसार कालीगण्डकी गाउँपालिका स्याङ्जाका १४ र ६० वर्षीय पुरुषमा नयाँ भेरियन्ट पुष्टि भएको हो भने गोरखाको पारपाक सुलिकोटका ३३, ४० र ७० वर्षीया महिलामा पुष्टि भएको हो ।

संयोजक शर्माका अनुसार जेठ ३१ गते प्रदेश जनस्वास्थ्य प्रयोगशाला गण्डकीबाट नयाँ भेरियन्ट जाँचका लागि काठमाडौं ५ नमुनामा नयाँ भेरियन्ट पुष्टि भएको हो ।

स्वास्थ्य आपतकालीन कार्य सञ्चालन केन्द्रले यो पहिलो अल्फा भेरियन्टमाभन्दा बढी संक्रमण दर भएकाले व्यक्तिगत सुरक्षाका मापदण्ड र सतर्कता अपनाउन आग्रह गरेको छ ।