सुर्खेत पुगेर प्रधानमन्त्रीसहित मन्त्रीले दिए दुर्घटनामा ज्यान गुमाएकी डा.सञ्जुलाई श्रद्धाञ्जली

वीरेन्द्रनगर—प्रधानमन्त्री पुष्पकमल दाहालले सवारी दुर्घटनामा ज्यान गुमाएकी डा. सञ्जु खड्कालाई श्रद्धाञ्जली दिएका छन् । मंगलबार सुर्खेत पुगेर प्रधानमन्त्री दाहाल पूर्व प्रधानमन्त्री झलनाथ खनालसहितका मन्त्रीहरुले डा. खड्कालाई श्रद्धान्जली दिएका हुन् ।

श्रद्धान्जलीका लागि सुर्खेत पुग्ने मन्त्रीहरुमा उपप्रधानमन्त्री एवं गृहमन्त्री नारायणकाजी श्रेष्ठ, नेपाली कांग्रेसका प्रमुख सचेतक रमेश लेखकलगायत रहेका छन् ।

गत जेठ १६ गते बाँकेमा कार दुर्घटना हुँदा डा.खड्का र चालक सुवास अधिकारीको मृत्यु भएको थियो । डा. सञ्जु कर्णाली प्रदेश अस्पताल सुर्खेतका निर्देशक डा.डम्बर खड्काका श्रीमती हुन् ।

डा. खड्का उपप्रधान एवं रक्षामन्त्री पूर्णबहादुर खड्काका भाइ हुन् ।