प्रत्यारोपण केन्द्रले भन्यो, ‘अस्पतालमा कार्यरत नर्समा कोरोना पोजेटिभ देखिएको छैन’

काठमाडौं—भक्तपुरस्थित शहीद धर्मभक्त राष्ट्रिय प्रत्यारोपण केन्द्रमा कार्यरत स्टाफ नर्सलाई कोरोना पोजेटिभ भनेर प्रसारण भएका समाचारप्रति ध्यानाकर्षण भएको जनाएको छ । बुधबार केन्द्रले एक सूचना प्रकाशित गर्दै उसले उक्त समाचार सत्यता नरहेको जनाएको छ ।

केन्द्र बरु ती स्टाफ नर्सको सम्पर्कमा आएकी उनकी साथीलाई कोरोना पोजेटिभ देखिएको स्पष्ट पारेको छ ।

‘निज स्टाफ नर्स समेत सुरक्षित क्वारेन्टाइनमा रहेको र मिति २०७७/०१/२६ गतेबाट यस केन्द्र उपस्थिती नभएको व्यवहोरा सम्बन्धित सबैको जानकारीको लागि अनुरोध छ,’ उनले भने, ‘यस केन्द्रमा कार्यरत कुनै पनि कर्मचारीलाई कोरोना संक्रमण भएको कहीँ कतैबाट पुष्टी नभएको व्यवहोरा समेत यसै सूचनाद्वारा जानकारी गराइएको छ ।’