२०८१ साउन ३, बिहीबार
Health Aawaj logo
गृहपृष्ठसमाचारऔषधिको कालोबजारी बढेको भन्दै औषधि व्यबस्था विभागको ध्यानाकर्षण

औषधिको कालोबजारी बढेको भन्दै औषधि व्यबस्था विभागको ध्यानाकर्षण


काठमाडौं– औषधिको कालोबजारी बढेको भन्दै औषधि व्यवस्था विभागलाई ध्यानाकर्षण गराइएको छ । विभागमा दर्ता भएका औषधिहरु लामो समयदेखि अभाव भइरहेको र यसमा कालोबजारी भएको भन्दै नेपाल औषधि व्यवसायी संघ मोरङले विभागको ध्यानाकर्षण गराएको हो ।

विभागमा दर्ता भएका मानव जीवन बचाउन आवश्यक पर्ने औषधिहरु लामो समयदेखि अभाव भइरहेको सहज आपुर्ति गराउन माग गरेको ध्यानाकर्षण पत्रमा उल्लेख छ । त्यस्तै, औषधि व्यवस्था विभागमै दर्ता नभएका तर भारतसँग खुला सिमानाका कारण नेपालमा प्रतिवन्धित औषधिहरु सहज रुपले बिक्री वितरण तथा तस्करी भइरहेको हुँदा औषधि व्यवसायलाई मर्यादित र व्यवस्थित बनाउन औषधि व्यवस्था विभागको ध्यानाकर्षण गराएको छ ।

संघले पोषणयुक्त खाद्यान्न बनाउने (न्युट्रासिटिकल) सामाग्री ठूला आयतकर्ताले ल्याउँदा केही नगर्ने तर साना औषधि पसलेलाई कारवाही गर्ने सरकारको दोहोरो चरित्र भएको जनाएको छ । संघका मोरङ उपाध्यक्ष तथा प्रवक्ता देशबन्धु ढकालले भारतसँग जोडिएका प्रदेश १ का जिल्लाहरुमा प्रतिवन्धित औषधि सहज रुपमा भित्रिएर विक्री वितरण भइरहेको हुँदा त्यसलाई कि त नियमनमा ल्याउनुपर्ने या त कारवाही गर्न सक्नु पर्ने बताए । उनले औषधिको तस्करीमा औषधि र भरिया फेला पारे तापनि व्यक्ति र गिरोह पक्राउ नपर्नुले कानुनी तवरबाट व्यवसाय गरिरहेका व्यवसायी मर्कामा परेको बताए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ