‘निरोगी नेपाल सरकारको मुख्य स्वास्थ्य नीति हुनेछ : प्रधानमन्त्री

काठमाडौं—प्रधानमन्त्री केपी शर्मा ओलीले निरोगी नेपालको नेपालको मुख्य नीति हुने बताएका छन् । आइतबार संसदमा विश्वासको मत लिने क्रममा सरकारका प्राथमिकताहरुबारे जानकारी दिदैं उनले निरोगी नेपाल सरकारको मुख्य स्वास्थ्य नीति हुने बताए ।

‘निरोगी नेपाल सरकारको मुख्य स्वास्थ्य नीति हुनेछ,’ प्रधानमन्त्री ओलीले भने, ‘यसका लागि निरोधात्मक र प्रतिरोधात्मक दुवै पद्धति अवलम्बन गरिनेछ ।’

गर्भवती महिला, जेष्ठ नागरिक, फरक क्षमता भएका नागरिक र बेसहारा नागरिकको स्वास्थ्य उपचार र पोषणको जिम्मा सरकारले लिने समेत प्रधानमन्त्रीले जानकारी दिए ।

प्रधानमन्त्री ओलीले स्वास्थ्य र कृषि प्राविधिकलगायतका सेवाहरु अनलाइनबाट उपलब्ध गराउने संसदलाई जानकारी दिए ।