स्तनपान सप्ताह विशेषः दुध मात्रै चुसाउने हो पहिलो छ महिना त

।१।
स्तनपान सप्ताह रे अगष्ट पहिलो सातामा
हामी पनि लागौ न त यसकै बातमा ।
शिशुलाई पहिलो आहार हो नि स्तनपान त
यही बचाउँछ रोगबाट ती सबले जान त ।

।२।
राम्रो हुन्छ बेगौती दुध रोगबाट बचाउन
पर्दैन नि गुणस्तर त्यसको जचाउन ।
शारीरिक र मानसिक विकास गर्छ त्यतिकै
दुधको मात्रा बढ्‌दै जान्छ चुसाउ जतिकै ।

।३।
रगत बग्न कम गर्छ गर्भान्तर बढाउँछ
चनाखो र स्फूर्तिको तेज बढाउँछ ।
रूप बिग्रन्छ दुध चुसाउँदा भन्ने पनि हल्ला छ
आत्मीयता आपसमा बढ्छ बल्ल त ।

।४।
दुध मात्रै चुसाउने हो पहिलो छ महिना त
कर्मचारी सुत्केरीलाई विदा भैन त ।
दुुध चुसाउने त विचार थियो अफिस जानु पर्नेछ
विवेक पनि परिमार्जित गर्नुपर्नेछ ।

।५।
अगष्ट सात मात्र होइन् कुरा स्तनपानको
कुरा गरौं त्यसपछिको पूरक खानाको ।
दुध चुसाउँदा मिलाउनु है सम्पर्क र आसन
छ महिना नै विदा दिने आओस शासन ।