सुदूरपश्चिमका कोरोना संक्रमित निको भएर फर्किए घर

धनगढी – सुदूरपश्चिमका पहिलो कोभिड-१९ संक्रमित व्यक्ति सेती प्रादेशिक अस्पतालबाट डिस्चार्ज भएका छन्। धनगढी उप–महानगरपालिका ३४ बर्षीय युवकको लगातार दुई पटकसम्म कोरोना परीक्षण रिपोर्ट नेगेटिभ आएपछि उनलाई अस्पतालले मंगलबार डिस्चार्ज गरेको हो।

दुबईबाट आएका उनमा चैत १४ गते कोरोना पुष्टि भएको थियो। उनको तीनपटक परीक्षण गर्दासम्म कोरोना रिपोर्ट पोजेटिभ देखाएको थियो। उनी ३० दिन सम्म अस्पतालमा उपचार गराएपछि डिस्चार्ज भएका हुन्।

यसअघि सेतीमै उपचाररत लम्कीका २१ बर्षीय संक्रमित युवक पनि डिस्चार्ज भएका थिए। अव सेतीमा तीन जना संक्रमितको उपचार भइरहेको छ ।