राष्ट्रिय खोप कार्यक्रम : सफल बनाउन चिकित्सकलाई अभिमुखीकरण

धनगढी—राष्ट्रिय खोप कार्यक्रम सफल बनाउन स्वास्थ्य निर्देशनालय राजपुर डोटीले सुदूरपश्चिम प्रदेशका अस्पतालका चिकित्सकलाई अभिमुखीकरण कार्यक्रम गरेको छ ।

दादुरा रुबेला खोप अभियान, नियमित खोप सेवामा रोटा खोपको सुरुवात तथा खोप पश्चात हुन सक्ने अवाञ्छित घटना ब्यवस्थापन सम्बन्धी अभिमुखीकरण गरेको हो ।

राष्ट्रिय खोप कार्यक्रम र राष्ट्रिय लक्ष्य नयाँ तथा कम प्रयोगमा रहेका खोपहरुको विस्तार गरी बालमृत्युदर घटाउन र प्रत्येक बालवालिकाले पूर्ण खोप लगाएको सुनिश्चित गर्न नयाँ तथा कम प्रयोग भएका खोपहरु समावेश गरी खोपबाट जोगाउन सकिने रोगहरुको नियन्त्रणलाई अझै बढावा दिने, खोप कार्यक्रमको ब्यवस्थापनमा नवीनतम प्रविधि, खोपबाट बचाउन सकिने रोगहरुको खोजपडताल (सर्भिलेन्स) कार्यलाई विस्तार गर्ने, अनुसन्धान र सामाजिक परिचालनमा बढावा दिने साथै दिगो वित्तिय ब्यवस्थापन सुनिश्चित गर्ने लक्ष्य रहेको स्वास्थ्य निर्देशक डा. गुणराज अवस्थीले बताए ।