सुदूरपश्चिम प्रदेश : चिकित्सा शिक्षा अध्ययनका लागि छात्रवृत्तिको आवेदन माग

धनगढी – सुदूरपश्चिम प्रदेशको सामाजिक विकास मन्त्रालय, उच्च शिक्षा महाशाखाले चिकित्सा शिक्षा अध्ययन छात्रवृत्तिका लागि आवेदन माग गरेको छ ।

मन्त्रालयले एक सुचना जारी गर्दै २०७८-०७९ स्वीकृत विकास कार्यक्रम अनुसार चिकित्सा शिक्षा आयोगबाट सञ्चालित एमबिबिएस प्रवेश परीक्षा उत्तीर्ण गरी स्वदेशभित्रका विश्वविद्यालय तथा चिकित्साशास्त्र अध्ययन प्रतिष्ठानमा एमबिबिएस प्रथम वर्षमा अध्ययनरत प्रदेशभित्रका दलित, आदिवासि, जनजाति , सिमान्तकृत, लोपोन्मुख समुदाय पिछडिएको क्षेत्र तथा जेहेन्दार विद्यार्थीका लागि चिकित्सा शिक्षा अध्ययन छात्रवृत्तिका लागि आवेदन माग गरेको हो ।

चिकित्सा शिक्षा अध्ययन छात्रवृत्ति एकिकृत छात्रवृत्ति व्यवस्थापन निर्देशिका २०७६ अनुसार प्रदान गरिने मन्त्रालयले जनाएको छ । चिकित्सा शिक्षा अध्ययन छात्रवृत्ति प्रति विद्यार्थीलाई १० लाखका ९ जनालाई प्रदान गरिनेछ ।