निःशुल्क स्वास्थ्य तथा दन्त स्वास्थ्य शिविर

नुवाकोट जिल्ला किप्साङ्ग गाउँपालिकाको १ र ३ वार्डमा तीन दिने निःशुल्क स्वास्थ्य शिविर आयोजना गरिएको छ । कान्तिपुर जनरल एण्ड डेन्टल अस्पताल, बसुन्धरा तथा बिएम फाउन्डेसनद्धारा स्थानीय काग्यू मोलाम अहिन्सावादी युवा क्लबको पहलमा तीन दिने स्वास्थ्य शिविर आयोजना गरिएको हो ।

शिविरमा स्त्री तथा प्रसुती रोग, हाड जोर्नी तथा नशा, सामान्य चिकित्सा, मुख तथा दन्त स्वास्थ्यसम्बन्धी विभिन्न बिरामीहरुको स्वास्थ्य परीक्षण गरिएको थियो ।

सो अवसरमा २० जना शिक्षकहरुलाई मुख तथा दन्त स्वास्थ्यसम्बन्धी अभिमुखिकरण तालिम प्रदान गरिएको थियो । शिविरमा स्त्री तथा प्रसुती रोगका एक सय जना, हाड जोर्नी तथा नशा रोगका ३० जना र मुख तथा दन्त स्वास्थ्य सेवा अन्तर्गत १ सय बिरामीको उपचार गरिएको थियो ।