सेती प्रादेशिक अस्पतालमा उपचाररत कोभिड—१९ संक्रमित महिलाको पाँचौं रिपोर्ट पनि ‘पोजेटिभ’

धनगढी—सेती प्रादेशिक अस्पतालमा उपचाररत धनगढीकी कोरोना भाइरस (कोभिड—१९) संक्रमित महिलाको पाँचौं रिपोर्ट पनि ‘पोजेटिभ’ आएको छ ।

सेती अस्पतालमा २५ दिनदेखि उपचाररत धनगढीकी ३४ वर्षीय महिलाको पाँच पटकसम्म गरिएको थ्रोट स्वाब परीक्षणमा कोरोना रिपोर्ट पनि पोजेटिभ आएको हो ।

कोरोना पुष्टि भएपछि संक्रमित महिलाको पाँच पटकसम्म परीक्षण भइसकेको छ । सबै रिपोर्ट पोजेटिभ आएको सेती प्रादेशिक अस्पतालका सूचना अधिकारी दिलीपकुमार श्रेष्ठले बताए ।

श्रेष्ठकाअनुसार चिकित्सकहरुको सल्लाहअनुसार उनको थ्रोट स्वाब संकलन गर्दै फेरी परीक्षण गरिने भएको छ ।