कैलालीमा थप २ जना कोरोना संक्रमितको मृत्यु

धनगढी – कैलालीमा थप २ जना कोरोना संक्रमितको मृत्यु भएको छ । होम आइसोलेसनमा रहेका जिल्लाको टीकापुर नगरपालिका १ का ९० वृद्धको सोमबार मृत्यु भएको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिए ।

त्यस्तै, कैलालीको धनगढी उपमहानगरपालिका २ का ८४ बर्षिय पुरुषको सोमबार बिहान मृत्यु भएको सेती प्रादेशिक अस्पतालमा सूचना अधिकारी दिलिप श्रेष्ठले जानकारी दिए ।

कडा प्रकारको निमोनिया लिएर अस्पताल आएका उनको शुक्रबार अस्थायी कोरोना अस्पतालको भेन्टिलेटरमा राखेर उपचार भइरहेको थियो ।