टिकापुर अस्पताल २ सय शैय्याको उप-प्रादेशिक अस्पताल

धनगढी—कैलालीको टिकापुर अस्पताल स्तरोन्नती गरिने भएको छ । १० असारमा सामाजिक विकास मन्त्रालयले स्तरोन्नती गरिएको पत्र अस्पताललाई पठाएको छ ।

सुदूरपश्चिम प्रदेश सरकारले २०७७ माघ १३ गते टीकापुर अस्पताललाई ५२ शैय्याबाट २ सय शैय्यामा स्तरोन्नती गर्ने निर्णय गरेको थियो । यस्तै, उक्त बैठकले उप—प्रादेशिक अस्पताल बनाउने निर्णय समेत गरेको थियो ।

अस्पताल स्तरोन्नती भएसँगै पूर्वी कैलालीको ठूलो जनसंख्यालाई फाइदा पुग्ने अपेक्षा गरिएको छ ।