२०८१ वैशाख ७, शुक्रबार
Health Aawaj logo
गृहपृष्ठसुदूरपश्चिम प्रदेशबर्दगोरिया गाउँपालिकाको १५ शैय्याको अस्पताल उद्घाटन

बर्दगोरिया गाउँपालिकाको १५ शैय्याको अस्पताल उद्घाटन


धनगढी—सुदूरपश्चिम प्रदेशको कैलालीको बर्दगोरिया गाउँपालिकामा निर्माण गरिएको १५ शैययाको अस्पतालको उद्घाटन गरिएको छ। शुक्रबार सुदूरपश्चिम प्रदेशका मुख्यमन्त्री कमलबहादुर शाहले उक्त अस्पतालको उद्घाटन गरेका हुन।

बर्दगोरिया गाउँपालिकामा रहेको दोदोधरा स्वास्थ्य चौकीलाई अस्पताल बनाउने घोषणा गरेको थियो ।

भवन निर्माण कार्यका २०७८ असार २० मा लुम्बिनी/थोदुङ/शिव खिम्ती जेभीसँग १३ करोड ८३ लाखमा ठेक्का सम्झौता भएको थियो। सम्झौताअनुसार ठेकेदार कम्पनीले आगामी असार २० गते हस्तान्तरण गर्नुपर्ने थियो। तोकिएको भन्दा चार महिनाअघि नै सबै काम सम्पन्न गरी हस्तान्तरण गरेको थियो ।

तत्कालीन केपी ओली सरकारले १७ मंसिरमा देशैभर स्थानीय तहहरुमा अस्पताल शिलान्यास गरिएपछि सुदूरपश्चिम प्रदेशका ९ जिल्लाका ५२ स्थानीय तहमा आधारभूत अस्पताल निर्माण प्रक्रिया अगाडि बढाइएको थियो ।

८८ स्थानीय तह रहेको सुदूरपश्चिममा ५२ स्थानीय तह आधारभूत अस्पताल निर्माणका लागि छनोट भएका थिए।सुदूरपश्चिम प्रदेशमा बर्दगोरिया गाउँपालिकाले सबैभन्दा पहिले निर्माण सम्पन्न गरेको हो ।


क्याटेगोरी : सुदूरपश्चिम प्रदेश



तपाईको प्रतिक्रिया दिनुहोस


ट्रेण्डिङ