कोभिड– १९ नियन्त्रण तथा रोकथामका लागि विज्ञ समूह गठन गर्ने

धनगढी–सुदूरपश्चिम प्रदेश सरकारले कोरोना भाइरस (कोभिड—१९) नियन्त्रण तथा रोकथामका लागि विशेष विज्ञ समुह गठन गर्ने भएको छ । मुख्यमन्त्री त्रिलोचन भट्टको अध्यक्षतामा आइतबार बसेको प्रदेश सिएमसीको बैठकले यस्तो निर्णय गरेको हो ।

बैठकले कोरोना भाइरस नियन्त्रणसँग सम्बन्धित आवश्यक रसायनसँगै अन्य दैनिक चाहिने स्वास्थ्य सामाग्रीहरु तुरुन्त खरिद व्यबस्था गर्न सामाजिक विकास मन्त्रालयलाई भनेको छ ।

यस्तै प्रदेशभरमा रहेका निजी अस्पताल, फार्मेसी, मेडिकललगायतका स्वास्थ्य संस्थाहरु नियमित सञ्चालन गर्न निर्देशन दिने, कोभिड–१९ परीक्षण गर्ने विशेषज्ञसहितका जनशक्ति तथा आवश्यक स्वास्थ्य सामाग्री व्यवस्थापनका लागि संघीय सीएमसीलाई अनुरोध गर्ने र सो व्यबस्थापन नभए आवश्यक प्रक्रिया पूरा गरी करारमा पदपूर्ति गर्ने निर्णय समेत गरेको छ ।