साहित्यकार प्रकट पंगेनी शिवको सघन उपचार कक्षमा उपचार हुँदै

पोखरा—शृंगारिक गजलमा मुख्य पहिचान बनाएका साहित्यकार प्रकट पंगेनी शिव अचानक अस्वस्थ भएपछि मणिपाल शिक्षण अस्पतालको सघन उपचार कक्षमा उपचार भइरहेको छ ।

मणिपालमा भर्ना भएका शिवको स्वास्थ्य अवस्था बुझ्न पोखराका मेयर मणिपाल अस्पताल पुगेका छन् ।

अस्पताल स्रोतकाअनुसार शिवको स्वास्थ्य अवस्था स्थिर रहेको छ । शिवको उपचारमा आर्थिक अभाव भएको भन्दै विभिन्न संघ-संस्थाले उनको शीघ्र स्वास्थ्य लाभको कामनासहित सहयोग पनि जुटाइरहेका छन् ।

नाटक लेखन र मञ्चनका साथै चित्रकला, गीत, मुक्तकमा पनि कलम चलाउने शिव रुपा५ मा जन्मिएका हुन् ।