मध्यबिन्दु अस्पतालका मेसु डा. जितेन्द्र स्वास्थ्य निर्देशनालय गण्डकीमा सरुवा

पोखरा-मध्यबिन्दु जिल्ला अस्पतालका मेसु डा. जितेन्द्र कँडेलको स्वास्थ्य निर्देशनालय गण्डकीमा सरुवा भएको छ । डा. कँडेल २ वर्ष अध्ययन बिदामा रहने भएपछि निर्देशनालयमा सरुवा भएको हो ।

उनी २०७९ भदौमा म्याग्दीको बेनी अस्पतालबाट मध्यबिन्दु अस्पताल सरुवा भएका थिए ।

मध्यबिन्दुमा दरबन्दी रहेर अध्ययन बिदामा रहेका डा. सुनीलराज गौतम मेडिकल सुपरिडेन्डेन्ट भएर आउने बताइएको छ ।

डा. कँडेल पाटन स्वास्थ्य विज्ञान प्रतिष्ठानमा मास्टरर्स इन पब्लिक हेल्थ ( एमपिएच) अध्ययन गर्ने छन् ।

डा. कँडेललाई स्वास्थ्य निर्देशनालय पोखरामा निर्देशक खिमबहादुर खड्काले स्वागत गरेका छन् ।